Ni-relieve sa pwesto ang dalawang pulis na nakapatay sa isang sundalo na galing sa bakbakan sa Marawi at pauwi sana sa kanyang pamilya sa Zamboanga del Sur noong nakaraang linggo.
Ayon kay PNP Chief Director General Ronald Dela Rosa, ipinag-utos niya ang administrative relief kina PO2 Ronald Zeros at PO1 Michael Bullanday para bigyang daan ang isinasagawang imbestigasyon.
Agad nilinaw ni Dela Rosa na hindi ito parusa sa dalawang nabanggit na pulis.
Matatandaang noong nakaraang miyerkules, napatay nina PO2 Zeros at PO1 Bullanday si Private First Class Rodillo Bartolome ng 53rd infantry battalion ng Philippine Army matapos umanong tangkaing manlaban nang sitahin ng mga pulis.
Si Bartolome ay tatlong buwang nadestino sa Marawi para labanan ang mga teroristang Maute.
By: Meann Tanbio
SMW: RPE
