Bilang na ang araw ng mga lokal na opisyal ng gobyerno na sangkot sa operasyon ng iligal na droga sa bansa.
Ito’y ayon kay Interior and Local Government Secretary Mike Sueno ay dahil sa malapit nang pangalanan ni Pangulong Rodrigo Duterte ang mga babansagang ‘narco mayors’.
Sinabi ni Sueno, sinisiguro na lamang ng Pangulo sa pamamagitan ng validation ang listahan ng mga lokal na opisyal na isinumite sa kanya ng iba’t ibang sources.
Mula aniya sa 35, sinabi ni Sueno na bahagyang bumaba ang bilang ng mga ito na ngayo’y nasa 23 na.
Pahiwatig pa ng Kalihim, isasapubliko ng Pangulo ang pangalan ng mga narco-mayors anumang araw ngayong linggong ito.
By Jaymark Dagala
Photo Credit: Malacañang Photo Bureau
