Kumikilos na naman umano ang Maute at ISIS-inspired group at nagre-recruit pa ng mga bagong miyembro.
Ito ay ayon sa Task Force Ranao na kung dati ay Jihad umano ang kanilang pang brainwash ngayon ay paghihiganti sa umano’y ginawa ng militar sa Marawi ang kanilang ginagamit nilang pangungumbinsi.
Ayon kay Col. Romeo Brawner, Deputy Commander ng Task Group Ranao nangungunang nagre-recruit ay ang mga nakatakas na terorista sa bakbakan sa Marawi City at pinaplano na umanong umatake muli.
Samantala, nagpapatuloy ang rehabilitasyon sa Marawi, inilatag na ng gobyerno ang planong pagpapatag sa main battle area bago ito tayuan ng mga estraktura at tinatayang apat na taon ito matatapos.
—-
