Tumatanggi nang bumalik ng Marawi City ang karamihan sa mga Kristiyanong residente dito at ngayo’y nasa limang (5) evacuation centers sa Iligan City.
Inamin ng mayorya ng mga bakwit na na-trauma sila sa nangyaring kaguluhan sa naturang lugar kung saan halos limampung (50) araw nang nagbabakbakan ang tropa ng gobyerno at Maute Group.
Sinabi ng mga Kristiyanong bakwit na sira na rin naman tiyak ang kanilang mga bahay kaya’t wala na rin naman silang babalikan pa.
Bukod dito, takot din anila silang ma-discriminate ng mga Maranao Muslim sa evacuation centers.
Dahil dito, nanawagan ang mga Kristiyanong evacuee na hanapan sila ng lugar na maaari nilang matirhan na malayo sa karahasan.
By Judith Estrada – Larino
