Umaapela sa korte ang pamilya ni Senador Leila de Lima para sa pagkakataong mai depensa nito ang sarili laban sa mga akusasyon sa kaniya.
Sinabi ni Elma Gaspi, Barangay Kagawad sa Naga City at pinsan ni De Lima, naiinip na sila dahil walang pagdinig sa kaso ng Senadora at maging arraignment o pagbasa rito ng sakdal.
Naniniwala si Gaspi na walang kasalanan si De Lima na aniya’y basta basta na lamang pinakulong ng walang kaukulang proseso.
Matatandaang nakadetine si Sen. De Lima sa PNP Custodial Center dahil sa mga kasong may kinalaman umano sa iligal na droga at pamamayagpag ng mga drug lords sa loob ng New Bilibid Prison habang noon ay nakaupo bilang DOJ Secretary.
Posted by: Robert Eugenio
