Hindi maaaring panghimasukan ng Administrasyong Duterte ang matagal nang “done deal” ng Aquino Administration.
Ito ang tugon ni Presidential Spokesman Harry Roque sa alegasyong pinanghimasukan ni Special Assistant to the President Bong Go ang procurement system ng Philippine Navy batay sa artikulong inilabas ng Rappler.
Ayon kay Roque, tsismis lamang ang artikulo dahil malinaw naman sa mga dokumento na noon pang nagdaang administrasyon nilagdaan ang kontrata para sa computer system ng mga barko ng Navy bagay na matagal nang ini-award sa nanalong bidder.
Una na ring nilinaw ni Philippine Navy Chief, Admiral Joseph Mercado na hindi kailanman nakialam si Secretary Go sa issue ng pagbili ng mga aparato para sa frigate.
Matatandaan na mismong si Pangulong Rodrigo Duterte ang naghamon sa Rappler na patunayan ang kanilang alegasyon at sa oras na makapaglabas sila ng ebidensya ay agad niyang sisibakin si Go sa puwesto.
