Hindi naman ikinapikon ni Sen. Richard Gordon ang mga banat sa kaniya ni pangulong Rodrigo Duterte.
Ayon kay Gordon karapatan naman ng lahat na magbigay ng kanilang opinyon.
Hindi rin aniya siya dapat magbalat sibuyas.
Ikinatuwa rin umano niya ang tila pagbibigay ng concern ng pangulo sa laki ng kaniyang tiyan.
Dagdag ng senador, ipagpapatuloy na lang niya ang pag pokus sa kaniyang trabaho at paglilingkod sa bansa at taumbayan.
Una rito, nagbitiw ng masasakit na komento si pangulong Duterte laban kay Gordon makaraang batikusin ng senador ang kaniyang pagtatalaga sa ilang retired military officials sa gobyerno.
