Tatlong armadong lalaki ang patay habang tatlong iba pa ang nasakote matapos makipag-sagupaan sa Regional Public Safety Battalion in Western Visayas sa bayan ng Calatrava, Negros Occidental.
Kinilala ni Chief Insp. John Joel Batusbatusa hepe ng Calatrava Police, ang mga napatay na sina Sabino Mancao, Ramil Castor at Emar Himang habang naaresto sina Romnick Octavio, Pepe Lausa at Josie Castor.
Nagsasagawa ng operasyon ang pulisya nang maka-engkwentro ang grupo ni Mancao sa barangay Cambayobo.
Narekober mula sa grupo ni Mancao ang dalawang Magnum 357, dalawang caliber 38 Revolvers; KG-9 Submachine Pistol, Shotgun at iba’t ibang uri ng bala.
Ayon kay Batusbatusa, si Mancao ay dating miyembro ng New People’s Army at kalauna’y nagtayo ng sariling grupo na sangkot sa extortion at iba pang illegal activities.
Samantala, tatlong iba pang miyembro ng grupo ni Mancao ang nakatakas.
