Kabilang na ang international singer na si Mariah Carey sa mga kilala at piling tao na binigyan nang parangal sa Hollywood.
Ito ay sa pamamagitan ng paglalapat ng kanyang mga kamay at paa sa semento para ilagay sa harap ng sikat na Hollywood TCL Chinese theatre kahapon.
Ang nasabing imprint ceremony ay bilang pagbibigay ng parangal sa mahigit dalawang dekadang kontribusyonm ni Mariah sa music industry.
Hindi naman maipaliwanag ni Mariah ang saya at sinabing isang karangalan ang mapabilang sa nasabing seremonya.
Si Mariah ay isa sa pinaka-matagumpay na singer kung saan nakapag-uwi na siya ng limang Grammy Awards at nasa dalawang milyong albums niya ang nabenta sa buong mundo.
Ilan sa mga nakilalang awitin ni Mariah ay ang Vision of Love, Heartbreaker, We Belong Together at One Sweet Day na kasama ang Boyz II Men.
—-
