Tiniyak ni dating Pangulo ngayo’y Manila Mayor Joseph Estrada na mas magiging maginhawa na ang pagbisita ng publiko sa kanilang mga yumaong mahal sa buhay na nakahimlay sa Manila North at South cemetery.
Ito’y dahil sa mga makabagong serbisyo na kanilang ipatutupad sa dalawang pinakamalaking himlayan sa Metro Manila ngayong papalapit na Undas.
Sinabi ni Mayor Erap na maliban sa live streaming, may grave locator pang magagamit ang publiko sa pamamagitan ng kanilang website bago tumulak sa mismong himlayan.
Kasunod nito, pinayuhan ni Manila North at South Cemetery Administrator Dan Tan ang mga bibisita sa mga naturang himlayan na mahigpit na ipatutupad ang seguridad sa lugar at huwag nang pilitin pang magdala ng mga ipinagbabawal na bagay.
By Jaymark Dagala
