Nagbanta ang mga pangunahing may-akda ng FOI o Freedom of Information Bill na haharangin ang pagpapatibay ng House version ng nasabing panukala.
Ito ayon sa mga kinatawan ng Bayan Muna Partylist ay kung malabnaw na FOI Bill ang ipipilit na ipasa ng Kamara.
Sa tingin ng mga militanteng kongresista ay isinama ng Pangulong Noynoy Aquino sa budget message nito sa Kamara ang pagtulak sa FOI Bill dahil batid nitong watered down naman ang bersyon ng Kamara.
Kasama anila sa malabnaw na panukala ang Exemption Executive Privilege na halos kapareho lamang ng layunin ng Executive Order 464 noon ng dating Pangulong Gloria Arroyo gayundin ang limitasyon sa mga impormasyon na ilalabas sa mga isasapublikong SAL-N o Statement of Assets, Liabilities and Networth ng mga opisyal ng gobyerno.
By Judith Larino
