Umabot sa mahigit 24,000 mga mananakay ang nakinabang sa alok na libreng sakay ng Metro Rail Transit Line (MRT) 3 kahapon, Labor Day.
Ayon sa MRT 3, nasa 11,409 na mga public at private workers ang naserbisyuhan ng mga libreng sakay mula ala 7:00 hanggang alas 9:00 ng umaga noong May 01.
Habang umabot naman sa 12,708 pasahero ang nakinabang sa libreng sakay simula alas 5:00 ng hapon hanggang ala 7:00 ng gabi.
Ang libreng sakay sa MRT ay ini-alok ng Department of Transportation bilang pakikiisa sa pagdiriwang ng Labor Day.