Plano ni Pangulong Rodrigo Duterte na magbigay sa mga paaralan ng listahan ng United Nations ng mga ipinagbabawal na gamot.
Ayon sa Pangulo, makabubuting malaman ng mga kabataan ang magiging implikasyon at epekto ng mga kemikal mula sa mga ipinagbabawal na droga.
Sa listahan aniya na binabalangkas ng International Narcotics Control Board o INCB, nakasulat ang mga kemikal na kadalasang ginagamit sa produksyon ng narcotic drugs at iba pang psychotropic substances.
Maliban dito, nagbabala si Pangulong Duterte sa mga posibleng maging epekto ng paghithit ng marijuana, paggamit ng cocaine at ecstasy pills, heroin, shabu at iba pang droga.
—-
