Naaresto na ng QCPD o Quezon City Police District ang lima sa 15 miyembro ng Termite Gang nanloob sa China Bank sa Fairview, Quezon City.
Kinilala ni QCPD District Director C/Supt. Guillermo Eleazar ang limang suspek na sina Jordan Duldulao y Agustin, Melbert Bautista Aligan, Allyson Aligan, Gearldine Bawas at Ambrose Rex Layao na pawang mga minero.
Ayon kay Eleazar, naaresto ang limang suspek sa tulong ng isang impormante na nagtimbre sa kanila na muling naghahanda ang grupo na pasukin ang isa pang bangko sa Quezon City.
Nakuha sa mga suspek ang ibat’ ibang kalibre ng baril at iba pang kagamitan na ginagamit nila sa panghoholdap sa loob ng kanilang sasakyan.
Ang mga naarestong suspek ay may mga kasong kinakaharap din sa dahil sa panloloob sa mga pawnshop, bangko at grocery store sa Marikina, Cavite, Tarlac, Marikina, Quezon at Silang Cavite.