Tumaas ang lebel ng tubig sa ilang pangunahing Dam sa Luzon batay sa pinakahuling monitoring ng PAGASA Hydro Meteorological Division
Dakong ala 10 ng umaga kanina, pumalo na sa 182.76 meters ang lebel ng tubig sa Angat Dam habang nasa 77.38 meters naman ang sa La Mesa Dam
Maliban sa Angat at La Mesa, nadagdagan din naman ang tubig sa Ipo, Ambuklao, Binga, Pantabangan at Magat Dam bunsod ng mga pag-ulan nitong naklaipas na mga araw
Samantala kahit pa umuulan sa malaking bahagi ng Luzon, bumaba pa rin ang lebel ng tubig sa San Roque gayundin sa Caliraya Dam
