Kuntento si Asia’s Nightingale Lani Misalucha sa estado ng kanyang career.
Ayon kay Lani, nagpapasalamat siya na nakakapagtrabaho siya sa iba’t ibang istasyon at masayang nakakasama ang iba’t ibang artist maging Kapamilya man o Kapuso.
Maganda rin aniyang wala siyang exclusive contract dahil nagagawa niya ang nais niyang gawin para sa kanyang career.
Una rito, kinumpirma ni Lani na magbabalik siya bilang judges ng “The Clash Season 2″ sa Kapuso Network.
Aniya, mananatili pa rin ang mga original judges ng nasabing reality singing competition kung saan kasama niya sina Asia’s romantic balladeer Christian Bautista at comedy concert queen Ai-Ai Delas Alas.
Sinabi pa ni Lani, tanging ang hindi lamang nila alam ay kung sino ang maghohost ng programa matapos namang lumipat sa Kapamilya network ng original host nito na si Regine Velasquez.
