Pinasabog ng tropa ng militar ang kuta ng Bangsamoro Islamic Freedom Fighter o BIFF sa North Cotabato.
Ayon kay Captain Arvin Encinas, tagapagsalita ng 6th Infantry Division, naglunsad ng airstrike ang militar sa grupo ni Shiek Esmail Abdulmalik alyas Kumander abu Torayfe ng BIFF-ISIS inspired group sa hangganan ng Barangay Tonganon at Barangay Bentangan, Carmen, North Cotabato.
Tinutugis na rin ng militar ang sampu pang high value target na mga terorista.
Hindi naman tiyak pa kung may nasawi at nasugatan sa air to ground assault ng militar laban sa BIFF sa naturang bayan sa Cotabato.
—-