Nanindigan ang grupong Stop & Go Coalition na korapsyon ang puno’t dulo ng hakbang ng pamahalaan hinggil sa modernisasyon sa sektor ng transportasyon.
Ito’y ayon kay Jun Magno, pangulo ng grupo, ay dahil sa may mga international standards hinggil sa transportasyon ang hindi naman nasusunod ng pamahalaan
Ibinalik ni Magno ang sisi sa mga tagapagpatupad ng batas kaya’t naglipana pa din sa kalsada ang mga bulok at kakaragkarag na mga jeepney.
Kasi merong problema sa kanila mismo, ‘yung kanila mismong ahensya dahil meron tayo dapat inspeksyon d’yan kasi nakalagay naman sa ating batas na dapat ang mga sasakyan ay road worthy at tsaka hindi substandard, ganun talaga eh.
Pero, ang nagde-determine ng mismong standard, ng initial standard tska itong road worthy eh NBIS ‘yan.
Ang problema, wala naman tayong NBIS tapos sasabihin nila ‘yung mga usok na ‘yan eh.
Eh nare-rehistro nga eh, kasi nga malawak ang korapsyon dito.
Malawak kasi ang korapsyon dito.
Kung talagang paiigtingin nila ang batas, wala kang makikitang bulok na jeepney dito ngayon.
Giit ni Magno, hindi pinakikinggan ng pamahalaan ang kanilang mga panawagan na huwag i – phaseout ang mga lumang jeepney.
Dahil dito, sinabi ni Magno na nagpasaklolo na ang kanilang grupo sa Korte upang pigilan ang panukalang modernization program sa PUV o Public Utility Vehicle.
Meron na kaming isinampa sa RTC, sa Quezon City.
Ongoing, ongoing. Actually, nakapag-file na din kami ng memorandum