Hiniling ni Kerwin Espinosa kay Justice Secretary Vitaliano Aguirre na bigyan ng proteksyon ang kanyang mga anak.
Inamin ni Kerwin na natatakot siya na baka balikan ang kanyang mga anak ng mga malalaking personalidad na iniugnay niya sa operasyon ng iligal na droga.
Naniniwala si Kerwin na gagawin ng mga idinawit niyang umano’y drug personalities ang lahat para mapatahimik siya at huwag nang tumestigo pa.
Muli namang siniguro ng nakababatang Espinosa na habang nabubuhay siya ay tutulong siya para mahinto na ang operasyon ng illegal drugs sa bansa na matagal din niyang naging hanapbuhay.
By: Meann Tanbio / Jonathan Andal
