Talamak ang katiwalian sa regional office ng land transportation franchising and regulatory board o LTFRB sa Zamboanga City.
Ito ang ibinunyag nina LTFRB Chairperson Martin Delgra at Aileen Lourdes Desada, dating staff ni Pangulong Rodrigo Duterte.
Sa pakikipag-diyalogo nina Delgra at Desada sa mga transport operator, nabuking ang 500 pisong ‘tongpats’ sa processing fee para sa mga prangkisa.
Ayon kay Delgra, aabot sa limampung libong piso ang sinisingil ng LTFRB Regional office sa Zamboanga City para sa processing fee mula sa tatlumpu’t limang libong piso, depende sa uri ng sasakyan.
Pinaiimbestigahan din ni Delgra ang mahigit dalawang daang prangkisa na bagama’t na-revoke na ay kasalukuyan pa rin umanong nagagamit.
By: Jelbert Perdez