Pumapalo na sa 11,879 ang kabuuang bilang ng kumpirmadong kaso ng coronavirus disease 2019 (COVID-19) sa buong isla ng Cebu.
Batay sa pinakahuling datos ng Department of Health–Central Visayas, nakapagtala ng 306 na mga bagong kaso, kahapon, Hulyo 11.
Mula sa nabanggit na bilang 536 na ang nasawi dahil sa COVID-19 habang halos 5,000 na ang nakarekober.
Pinakamarami sa mga naitalang kumpirmadong kaso ay mula sa Cebu City na umaabot sa 7,359 at may 358 nasawi.
Sinusundan ng Mandaue City na mayroong kabuuang 1,244 na kaso kung saan 36 ang nasawi habang 407 ang gumaling na.
