Kasal nina Coleen at Billy itinakda sa susunod na taon

Ibinahagi ni Kapamilya actress na si Coleen Garcia ang ilang detalye sa nalalapit na kasal nila ng kanyang fiance at kapwa Kapamilya actor Billy Crawford.

Sa panayam ng entertainment site na Push, kinumpirma ni Coleen na kanilang itinakda ang kanilang kasal sa summer ng susunod na taon bagaman sinabi ng aktres na wala pa silang pinal na araw na napili.

Kwento pa ng aktres, tiyak na mapupuno ng mga kaibigang kapwa artista ang kanilang kasal dahil pareho silang nagtatrabaho ni Billy sa showbiz at nagkakilala sa nasabing larangan.

Kaugnay nito, hindi rin napigilan ni Coleen ang kanyang excitement para sa kanyang itinuturing na panibagong adventure ng kanyang buhay kasama ang kanyang paboritong adventure buddy na si Billy.

Matatandaang nitong Abril lang ay nagtungo sina Coleen at Billy sa Ethiopia para sa isang photo shoot na nabalitang bahagi ng kanilang prenup.

Si Coleen at Billy ay na-engaged noong Disyembre nang nakaraang taon.

By  Krista de Dios    

Comments

comments