Magbabalik-pelikula na ang aktres na si Judy Ann Santos kung saan makakasama niya ang kapwa Kapamilya actress na si Angelica Panganiban na huli pa niyang nakasama sa isang soap opera noong 2001.
Ayon kay Juday, iba sa kanyang mga naging pelikula ang gagawing comeback movie dahil comedy ito, bagama’t tungkol sa pamilya ang magiging tema nito.
Dagdag ni Juday, excited na rin siyang muling makasama at ma-experience ang aniya’y pagiging total packaged artist ni Angelica.
Ang dalawang Mrs. Reyes ang magiging title ng nasabing pelikulang na sasailalim sa direksyon ni Jun Robles Lana at sa produksyon ng Star Cinema, Idea First Company at Quantum Films.
Sa ngayon ay wala pang date kung kailan ipalalabas sa mga sinehan ang pelikulang ang dalawang Mrs. Reyes.
By Krista de Dios