Kinumpirma ni House Speaker Pantaleon Alvarez ang ibinunyag ni dating Commission on Elections o COMELEC Chairman Christian monsod.
Kaugnay ito sa pagtatangka ng Kongreso na ipasa ngayong Enero ang joint resolution para bumuo ng Constituent Assembly na magbabalangkas ng Cha-Cha Federalism.
Sinabi ni Alvarez na ang joint resolution ay pipiliting matalakay sa opening ng session sa January 15.
Subalit bago ito aniya ay kakausapin nila si Senate President Koko Pimentel para ikamada ang pagpasa sa joint Con Ass resolution.
Naniniwala si Alvarez na mayorya ng mga senador ang susuporta sa Con Ass resolution dahil pawang PDP members at allies ang mga ito.
(Ulat ni Jill Resontoc)