Patay ang isang 44 anyos na ginang matapos masagasaan ng tren ng Philippine National Railways (PNR) sa Sampaloc, Maynila.
Ayon sa MPD station 4, nakilala ang biktima na si Rochelle Aurelio, tindera ng gulay at residente rin ng Sampaloc.
Isang concerned citizen ang dumulog sa pulisya kahapon ng umaga matapos matagpuan ang katawan ni Aurelio sa gitna ng riles sa bahagi ng Ramon Magsaysay Boulevard sa barangay 570.
Lumalabas sa imbestigasyon ng pulisya na nahagip ng tren na pa Northbound ang biktima at nakaladkad sa layong 100 metro.
Iniimbestigahan na ng mga otoridad maging ng PNR ang nasabing insidente.
