Sinuyod ng Department of Trade and Industry ang ilang tindahan sa Bulacan kung saan nadiskubre na walang lisensiya ang mga produkto o hindi dumaan sa Quality Control Inspection.
Kabilang sa ininspeksyon ang mga appliances store sa bayan ng Balagtas kung saan sangkatutak na produkto mula sa electric fan hanggang sa electric cooker ang nakitang walang Import Commodity Clearance o Product Standards Mark.
Ayon kay DTI Undersecretary Ruth Castelo, ang I.C.C. ang nagsisilbing patunay na dumaan ang produkto sa pagsusuri ng ahensya.
Dahil dito, kinumpiska ng DTI ang appliances at iba pang produktong walang I.C.C. mark.
Bukod sa mga appliance store, nag-inspeksiyon din ang D.T.I. sa mga supermarket kung saan nadiskubre na mas mataas sa Suggested Retail Price ang presyo ng ilang de-latang karne.