Mawawalan ng suplay ng tubig ang ilang barangay sa San Juan, Pasig at Quezon City.
Ayon sa Manila Water, kabilang sa apektado ng water interruption mamayang 9:00 ng gabi hanggang 5:00 ng umaga bukas ang mga barangay ng Little Baguio, Onse, St. Joseph, Isabelita at Corazon de Jesus sa San Juan, dahil sa line maintenance sa Santolan Road kanto ng Jose Abad Santos Street.
Samantala, sa Pasig City apektado ang Barangay San Miguel dahil sa line maintenance sa bahagi naman ng Lupang Pari kanto ng Mercedes Avenue.
11:00 ng gabi naman magsisimula ang water interruption sa Barangay Teachers Village West at Sikatuna Village sa Quezon City dahil sa pag-aayos ng linya sa Malhim Street kanto ng Mapagkawanggawa Street.
Dahil dito, pinayuhan ang mga apektadong residente na mag-ipon ng tubig.
SERVICE ADVISORY: Maintenance activities in San Juan, Pasig and Quezon City scheduled tonight, October 24-25, 2017. pic.twitter.com/imUgLXu8lA
— Manila Water (@ManilaWaterPH) October 24, 2017
