Patay ang 89 katao sa isang restaurant sa central India ng sumabog ang isang cooking gas cylinder na naging sanhi ng isa pang pagsabog ng mine detonators na iligal na nakaimbak malapit sa lugar.
Nag-aalmusal ang maraming tao sa restaurant na malapit sa main bus station sa bayan ng Petlawad sa Madhya Pradesh State nang maganap ang pagsabog.
Ayon kay Mewa Lal Gond, Police Inspector sa mining district ng Jhabua sa Petlawad nasira ng pagsabog ang gusali kung saan matatagpuan ang restaurant at ang mga katabing gusali nito.
Sugatan naman ang may 100 katao sa nasabing pagsabog na ginagamot ngayon sa mga pagamutan.
By Mariboy Ysibido
