Pinaalalahanan ng Food and Drug Administration o FDA ang publiko hinggil sa mga bibilhing panghanda sa darating na Pasko.
Ayon kay Timothy Mendoza ng Food Regulation Office ng FDA, dapat bumili lamang ng mga produktong pagkain sa mga mapagkakatiwalaang pamilihan.
Dapat ding suriin kung maganda ang kondisyon ng produkto at iwasan ang pagbili ng mga delatang may yupi o nakaumbok na.
Maliban dito, tiyakin ding hindi expired ang produkto.
Kasabay nito, sinabi ni Mendoza na mas makabubuti kung iwasan ang mga produktong walang label o ni-repack lamang.
—-