Sinubukan umano ng mga teroristang Maute ang pananampalataya ng bihag na si Fr. Teresito “Chito” Suganob.
Ayon kay ARMM o Autonomous Region in Muslim Mindanao Assemblyman Zia Alonto Adiong, pinilit umano ng mga bandido si Suganob na itakwil na ang Kristiyanismo sa halip ay umanib na sa Islam.
Bagama’t sinabi ni Suganob sa mga opisyal ng militar na maayos naman ang pagtrato sa kaniya ng Maute Group, naibahagi nito na minsan din siyang pinagdala ng armas upang ilaban sa mga sundalo.
Gayunman, sinabi ni Adiong na sa ilalim ng mga turo ng Islam, mahigpit nitong ipinagbabawal ang mga forced conversions o sapilitang pag-anib sa paniniwalang ang katotohanan at labis na pagmamahal kay Allah ang dapat magdala rito sa isang indibiduwal.
Kaugnay nito ay nilinaw na nananatiling pari ng Simbahang Katoliko si Father Chito.
—-
