Aminado ang Department of Labor and Employment (DOLE) na maliit ang ibinigay na P21 na dagdag umento sa sahod ng mga minimum wage earners sa National Capital Region o NCR.
Sa panayam kay DOLE Secretary Silvestre Bello III sa programang ‘Balita Na Serbisyo Pa’, sinabi ni Secretary Bello na mallit nga ang nasabing dagdag sahod ngunit dapat din ay ikonsidera ang kakayahan ng mga employers sa usapin ng dagdag pasahod, maaari umanong hindi kayanin ng mga employers ang mas hihigit pa sa nasabing dagdag sa arawang sahod.
Sinabi rin ni Secretary Bello na ang nasabing increase ay mula sa pagpasya ng mga representatives ng mga mangagawa, mga kinatawan ng employers at sa tulong na rin ng ahensya ng DOLE.
Mula sa dating P491 na arawang sahod ay magiging P512 na ito, inaasahang mapapatupad ang dagdag umento sa sahod ng mga matapos ang 15-araw na pagkakalathala nito.
Una rito, tinawag na barya ng Associated Labor Unions-Trade Union Congress of the Philippines ang naaprubahang umento sa sahod.
—-
