Naghain ng not guilty plea si dating DSWD Secretary Esperanza Cabral kaugnay sa kasong may kinalaman sa maanomalya umanong paggamit ng PDAF noong 2007.
Nagpasok din ng not guilty plea sina dating DSWD officials Mateo Montano at Leonila Hayahay.
Sina Cabral, Montano at Hayahay ay kapwa akusado sa kaso ni dating North Cotabato Congressman at sinibak na Vice Governor Gregorio Ipong.
Nag ugat ang kaso nang piliin at italaga ni Ipong ang ECOSOC o Economic and Social Cooperation for Local Development Foundation Incorporated bilang project partner para sa kaniyang integrated social development project para sa mga constituents nito sa ikalawang distrito ng Cotabato.
Gayunman nadiskubre ng Ombudsman na hindi kuwalipikado ang ECOSOC sa nasabing proyekto na hindi naman nag e exist.
Sinasabi ring pumasok sina Ipong at Cabral sa isang Memorandum of Agreement sa ECOSOC ng walang public bidding.
