Nakatakdang humarap sa Commission on Appointments bukas si Agrarian Reform Secretary Rafael Mariano.
Ayon sa CA, sampung oposisyon kay Mariano ang nakalatag at kabilang dito ay mula sa tatlong barangay sa Tarlac.
Ilan pa sa mga oposisyon kay Mariano ay mula kay Noel Mallari, Manuel Gallego, Ricardo Quintos, Rodel Meda at Angelito Bais, Roberto Nidera, Edgar Aguas at Manolito Dagatan at Hernani Geronimo.
Sinabi naman ni Senate Majority Floorleader Vicente Sotto III, Chairman ng CA Committee on Agrarian Reform na mahihirapan ang CA na magdesisyon bukas dahil kailangan aniyang pakinggan ang oppositors.
Una nang inihayag ng Makabayan Bloc ang inaasahan nilang pagbasura ng Ca sa appointment ni Ka Paeng na dating Anak Pawis Party List Representative.
By: Judith Larino
SMW: RPE
