Handa ang CSFI o Congressional Spouses Foundation Incorporated na alisin ang kanilang tanggapan sa loob ng Batasan Complex.
Ayon ito kay Ginang Emelita Alvarez, may bahay ni House Speaker Pantaleon Alvarez na siyang nag desisyong alisan ng opisina sa Kamara ang grupo ng asawa ng mga Kongresista.
Sinabi ni ginang Alvarez na naiintindihan nila ang nasabing hakbang ng House Speaker at batid naman nila aniyang mahigpit ang pangangailangan ng Kamara sa espasyo dahil dumarami ang mga Kongresista.
Tanggap aniya na ang pasya ni Alvarez ay bahagi ng pagtitipid o cost cutting ng Duterte Administration.
Nilinaw ni Ginang Alvarez na ang CSFI ay hiwalay na entity sa lower house at mayruon aniya silang mga proyekto na ang kapartner nila ay pribadong sektor.
By: Judith Larino
