Hindi para sa Pilipinas ang nakuhang bloke-bloke ng cocaine na nakuha sa ilang bahagi ng bansa.
Ayon kay PNP Chief Director General Oscar Albayalde, kinumpirma ng Australian authorities na hindi malayong laan para sa Australian market ang naturang iligal na droga lalo pa’t mataas ang market value nito sa nasabing bansa.
Posible anilang naianod lamang ang naturang kargamento o kaya naman ay talagang ipinaanod ito at target na balikan na lamang.
Una nang nagpahayag ng pangamba si Pangulong Rodrigo Duterte na posiblang ang nakuhang bloke–bloke ng droga ay senyales na nag-ooperate na sa bansa ang Colombian drug cartel.