Pinaalalahanan ng Department of Labor and Employment o DOLE ang publiko na hindi ino-obliga ng batas ang mga pribadong kumpanya sa pagbibigay ng Christmas bonus.
Sinabi ni DOLE Undersecretary NICON fameronag na tanging ang 13-month pay lamang ang nakasaad sa batas.
Ibig sabihin, makapagde-demand lamang ng christmas bonus ang mga empleyado kung bahagi ito ng collective-bargaining agreement.
Para naman sa mga ahensya ng pamahalaan, ang Christmas bonus ay depende sa savings ng isang departamento.
Samantala, iminungkahi naman ng Employers Confederation of the Philippines sa mga kumpanyang hindi kayang magbigay ng christmas bonus, na maghandog na lamang ng mga noche buena items, regalo o paid leave sa mga empleyado nito.
By: Allan Francisco