Pinamamadali na ni House Speaker Alan Peter Cayetano ang pagpasa sa panukalang batas na layong magtatag ng isang Philippine Center for Disease Prevention and Control (PCDPC).
Ayon kay Cayetano, ito’y para sa mas accessible na dekalidad na health care services.
Layon din nito na mapalakas ang health management framework sa gitna ng nararanasang pandemya bunsod ng coronavirus disease 2019 (COVID-19).
Sa oras aniya na maging isang ganap na batas, asahan umanong mararamdaman ang kahandaan ng Pilipinas sa mga hindi inaasahang health emergencies.
