Pinatunayan ng dalawang testigo na nakipagbarilan sa dalawang Pulis – Caloocan ang 19 – anyos na si Carl Angelo Arnaiz.
Ito ang nakasaad sa isinumiteng sinumpaang-salaysay ng mga testigo at mag-asawang Solomon at Madeline Rosca na tumatayong testigo nina PO1 Jeffrey Perez at PO1 Ricky Arquilita.
Nakasaad sa affidavit ng mag-asawang Rosca na namamasada umano sila ng tricycle noong madaling araw nang Agosto 18 kung kailan napatay si Carl Angelo sa C3 -road.
Ikinuwento ng mag-asawa na mayroong isang lalaking naka-itim na jacket at hinahabol ng dalawang lalaking sumisigaw at nagpakilalang mga pulis.
Ngunit, bumunot anila ng baril ang lalaking naka-itim na jacket at pinutukan sina Perez at Arquilito na nauwi sa palitan ng putok ang magkabilang-panig.
