Nabunyag na ginagamit na rin sa mga vape juices ang cannabis oil o langis na mula sa marijuana.
Ayon kay Police Colonel Audie Madrideo, provincial director ng PNP-Quezon, matagal na silang nakatatanggap ng report hinggil sa paghahalo ng cannabis oil sa vape juices.
Ginawa ni Madrideo ang pahayag matapos nilang matuklasan ang taniman ng marijuana sa Barangay Malabanban Norte, Candelaria, Quezon.
Niluluto umano ang mga dahon ng marijuana upang makuha ang langis nito at ginagawang gamot.
Gayunman, sinabi ni Madrideo na kakasuhan pa rin ang may-ari ng taniman ng marijuana dahil illegal pa rin ang paggamit ng marijuana kahit bilang gamot.
