Umaasa si Internal Revenue Commissioner Ceasar Dulay na maaabot nila ang target na koleksyon ngayong taon na mahigit dalawang trilyong piso.
Sa isang press conference sa Department of Justice, aminado si Dulay na tinaasan ng Bureau of Internal revenue ang kanilang target collection ngayong taon.
Ito’y dahil na rin sa implementayon ng bagong pagbubuwis ng pamahalaan sa ilalim ng tax reform for acceleration and inclusion o TRAIN law.
Nito anyang nakalipas na taon ay umabot lamang sa 1.8 trillion pesos ang nakolekta ng BIR at dahil sa TRAIN law ay itinaas pa nila sa mahigit dalawang trilyon ang kanilang target collection.
Gayunman, nilinaw ni Dulay na tentative pa naman ang target collection nila ngayong 2018.
Samantala, pinangunahan noong huwebes ni dulay ang paghahain ng reklamong tax evasion sa mga sangkot sa 6.4 billion peso shabu shipment mula China na sina Customs broker Mark Taguba at Cebu-based businessman na si Yi Shen Dong alyas Kenneth Dong.
