Engaged na sina Billy Crawford at Coleen Garcia.
Sa isang Instagram post ng direktor na si Gino Santos, makikitang nakaluhod na nag-propose si Billy sa kanyang 2 taon nang girlfriend na si Coleen. May caption itong:
“Omg! This just happened!!! Congratulations [Coleen Garcia] [Billy Joe Crawford]. I love you both.” at gamit ang hashtag na “#ColeenSaidYes.”
Matatandaang 2014 nang aminin ng dalawa na parehong host ng noontime show na ‘It’s Showtime’ ang kanilang relasyon.
Sa mga nakaraang interview ay inihayag na rin ni Billy ang kagustuhan niyang lumagay sa tahimik kasama si Coleen.
Nakatakdang magtungo ang dalawa sa Spain kung saan ime-meet ni Billy ang pamilya ni Coleen.
Photo Credit: ginomsantos / Screengrab from Instagram
