12 na ang patay habang nasa mahigit 100 ang sugatan sa muling pagsiklab ng sagupaan sa pagitan ng Israeli at Palestinian forces sa Gaza Strip.
Mahigit 600 rockets na ang pinalipad ng Palestinian forces upang targetin ang Israel pero napipigilan ito ng iron dome missile interceptor ng Israeli forces.
Ipinag-utos naman ni Israeli Prime Minister Benjamin Netanyahu ang malawakang air strike sa Gaza Strip.
Gayunman, isa sa mga bombang pinakawalan ng mga Israeli fighter jets ay bumagsak sa tanggapan ng Turkish news agency na Anadolu dahilan upang kundenahin at almahan ito ng Turkey.
Naganap ang panibagong bakbakan sa kabila ng napagkasunduang tigil-putukan noong isang buwan.
