Muling niyanig ng magnitude 5 point 9 na lindol ang Itbayat Batanes kaninang ala 7:38 ng umaga.
3 oras lamang ito matapos tumama ang naunang magnitude 5 point 4 na lindol kaninang alas 4:16 ng madaling araw.
Ayon sa PHIVOLCS, naitala ang sentro ng lindol sa layong 21 kilometro kanluran ng Itbayat.
May lalim itong 7 kilometro at Tectonic ang pinagmulan.
Naramdaman ang intensity 4 sa bahagi ng Basco Batanes.
Inaasahan naman ng PHIVOLCS ang mga aftershocks at posibilidad na magresulta sa pagkasira ng mga ari-arian.