Muli na namang nagka-engkuwentro sina Baron Geisler at Kiko Matos.
Ayon sa report, si Kiko na isa sa mga maglalaro muli sa URCC o Universal Reality Combat Championship ay nagulat kasama ang organizer sa biglaang pagdating ni Baron sa URCC Press Conference.
Sa nasabing event nagsimula ang pasaringan nina Baron at Kiko hanggang mauwi sa pisikalan at mabuti na lamang ay naawat ng mga malalamig ang ulo na dumalo rin sa presscon.
Hindi naman malinaw sa report ang partikular na isyung pinag ugatan ng nabuhay na iringan nina Baron at Kiko.
Magugunitang nauwi sa isang steel cage fight noong 2016 ang unang conflict sa pagitan nina Baron at Kiko.
By Judith Estrada – Larino