Nagtalaga na ang Pangulong Rodrigo Duterte ng bagong pangulo ng Social Security System (SSS).
Itinalaga ng pangulo si Aurora Cruz Ignacio bilang SSS president at chief executive officer kapalit ni Emmanuel Dooc na nag-resign na kasabay ng otomatikong pagtatapos ng kaniyang termino kasabay nang pagpapatupad ng bagong SSS law epektibo nitong March 5.
Si Ignacio na dating assistant secretary sa Office of the President (OP) ay kasalukuyang chairperson ng Social Security Commission (SSC).
Itinalaga rin ng Pangulong Duterte sina Atty. Monalisa Dimalanta bilang chairperson ng National Renewable Energy Board (NREB) na nasa ilalim ng Department of Energy (DOE) at Ann Claire Credo-Cabochan bilang assistant secretary ng Department of Trade and Industry (DTI).
