Ipagbabawal na sa victory party ni President-elect Rodrigo Duterte sa Davao City sa June 4 ang mga inhaler at mga kahalintulad na produkto bilang nasal decongestant.
Ayon kay Chief Insp. Milgrace Driz, Spokesperson ng Davao City Police, ang mga nasal inhaler ang karaniwang ginagamit na stimulant ng mga gumagamit ng party drug gaya ng ecstasy.
Kukumpiskahin anya ang mga inhaler at iba pang ipinagbabawal na gamit tulad ng illegal drugs, alak, bote, canned drinks at mga canister maging ang mga matalas na bagay.
Pinagbabawalan din ang pagdadala ng mga backpack na maaaring pagtaguan ng mga iligal o peligrosong bagay tulad ng bomba.
Magsisimula ang “Du31: one love, one nation thanksgiving party” ala-1:00 ng hapon hanggang ala-1:00 ng madaling araw kinabukasan.
By Drew Nacino