Pinamamadali na ni House Speaker Gloria Macapagal-Arroyo ang pagbuo ng disaster department upang tumutok sa oras ng bagyo o anumang kalamidad sa bansa.
Ayon kay Arroyo, “full time” dapat ang isang ahensya sa pagta-trabaho kapag may ganitong bagyo.
Imposible na umanong iasa pa kay Department of National Defense (DND) Secretary Delfin Lorenzana ang ganitong tungkulin dahil terorismo at seguridad ng bansa ang kaniya namang tinututukan.
Problema naman ng mahihirap na komunidad nakatuon ang atensyon ng Department of Social and Welfare Development (DSWD).
Giit pa ni Arroyo, bukod sa pagbuo ng naturang ahensya ay makakatulong ang isang kalihim na itatalaga rito upang maagap na matugunan ng gobyerno ang mga pangangailan sa panahon ng kalamidad.
