Ipinagharap ng kasong tax evasion ng BIR o Bureau of Internal Revenue sa DOJ o Department of Justice ang apat na pribadong kumpaniya dahil sa hindi nabayarang buwis sa pamahalaan.
Partikular sa mga kinasuhan ng BIR ang mga kumpaniyang Armel Plastic Company, Marina Seafoods, SKI Construction Group at GMC Construction and Development Group.
Batay sa tala, nagkakahalaga ng 45.6 million Pesos ang hindi nabayarang buwis ng kumpaniyang Armel na nasa buy and sell ng plastic products para sa taong 2010.
Aabot naman sa 16.42 Million Pesos na halaga ng buwis ang hindi nabayaran ng Marina Seafoods para sa taong 2012; 21.9 pesos ang hindi naman nabayarang buwis ng SKI construction para sa taong 2004.
Habang aabot naman sa 191 Million Pesos ang hindi nabayarang buwis ng GMC Construction para sa mga taong 2008 at 2009 na siyang pinakamalaki sa mga kinasuhan.
By: Jaymark Dagala / Bert Mozo
