Apektado pa rin ng hanging amihan o northeast monsoon ang hilagang Luzon na nagdudulot ng pag-ulan bukod sa Low Pressure Area (LPA) sa ilang bahagi ng bansa.
Huli namang namataan ng PAGASA ang LPA sa bahagi ng Coron, Palawan.
Inaasahang makararanas ng maulap na papawirin na may kasamang mahina hanggang katamtamang pag-ulan at kalat-kalat na thunderstorms sa Davao, Caraga, SOCCSKSARGEN; eastern at western Visayas; Metro Manila at nalalabing bahagi ng Luzon.
Posible ring makaranas ng maulap na papawirin na may kasamang mahinang pag-ulan sa Cordillera, Ilocos at Cagayan Valley regions.
Asahan na rin ang bahagyang maulap na papawirin na may kasamang kalat-kalat na pag-ulan sa sa nalalabing bahagi naman ng bansa.
By Drew Nacino