Aga Muhlach kabado sa pagbabalik pelikula

Aminado ang original heartthrob at ultimate leading man na si Aga Muhlach na kabado siya sa kanyang pagbabalik pelikula.

Ito ay matapos ng anim (6) na taon na pamamahinga ng aktor sa showbiz.

Ayon kay Aga, bukod sa nararamdamang excitement, dahil sobrang namiss niya ang paggawa ng pelikula ay kinakabahan din anya siya na baka manibago siya sa pag-arte.

May working title na “Seven Sundays” ang comeback movie ng aktor na ipo-produce ng Star Cinema.

Makakasama niya sa nasabing pelikula sina Enrique Gil, Dingdong Dantes, Cristine Reyes at Ronaldo Valdez.

Samantala, inamin din ni Aga na pangarap niya makagawa muli ng pelikula kasama ang mga dati niyang nakapareha na sina Lea Salonga at Sharon Cuneta.

By Krista De Dios

Comments

comments